Работилница: Сподели срце
На 09.02.2016 година во ООУ „Васил Главинов “ објект 2, Велес се организираа повеќе активности за вклучување на учениците и училиштето во акцијата за одбележување Денот за побезбеден интернет 2016..
Учениците од 3 одд со наставничката Лила Арсова реализираа голем број на активности кои имаа за цел запознавање на учениците, со придобивките од користењето на Интернетот, како и потенцијалните ризици, а истовремено и им беа понудени и совети за минимизирање на овие ризици.
Како вовед на учениците најпрвин им ја презентиравме презентацијата за денот за побезбеден интернет. Учениците се на возраст од 8 години и имаа многу прашања во однос на безбедното користење на интернетот .Можеа да истражуваат на страницата на http://bezbednonainternet.org.mk/content/view/57/1/lang,mk/
и создадоа свој правилник за безбедноста на интернет и истите ги запишаа како пораки на листови а потоа направија книга „Безбедно на интернет “ за нивната училишна библиотека.
Самиот настан за учениците предизвика голем интерес ,активно се вклучија и во анкетниот прашалник на кој се потрудија да одговорат.
Заедно разгледавме и видео запис за конкретна злоупотреба на Интернетот кој побуди исто така голема дискусија.Се договоривме во иднина да ги искористиме и едукативните игри за приватност и безбедност на интернет
Учениците за крај нацртаа срце на лист хартија и го исполнија со позитивни пораки и истите ги разменија со своите другарчиња од помалите одделенија
Активностите поврзани со безбедноста на интернет нашето училиште и понатаму ќе ги спроведува со цел да се подигне свеста за приватност и заштита кај учениците.
Недела на информатиката 