Во прилог ви даваме две презентации кои можете да ги искористите на Денот за побезбеден интернет кој ќе се реализира во вторник на 07 февруари.
Истите се превод од презентациите на сајтот: www.saferinternetday.org
Category Archives: SID – Safe Internet Day
Ден за побезбеден интернет 2014
Училиштата кои се дел од акцијата Недела на информатиката и оваа година ќе се вклучат во одбележување на Денот за побезбеден интернет. Главниот настан ќе се одржи на 11 февруари преку реализирање активности кои дополнително ќе ги објавиме. Оваа година овој ден се реализира под мотото „Ајде заедно да создадеме подобар интернет“.
Работилница со учениците – ООУ „Страшо Пинџур“ Неготино
На 5 февруари – Денот на побезбеден интернет учениците од 7г одделение со наставничката по информатика Ѓорѓина Димова реализираат работилница со учениците од 5 одделение. Најпрво се реализираат активности од работилницата Барометар на чувства, а потоа учениците направија Кодекс со правила за одннсување на интернет. активностите беа многу добро прифатени од малите ученици.
Мобилни телефони/ безжични уреди
Придобивки
Денес многу родители гледаат на мобилните телефони како уред кој им овозможува во секој момент да бидат во контакт со своето дете.
Социјално вмрежување: Совети за родители
Социјално вмрежување
Придобивки
Социјалните сајтови им овозможуваат на децата да се поврзат со нивните врсници и други корисници. Тоа го прават преку разменување на пораки и електронска пошта, оставање на коментари, постови, фотографии, видеа, музика на нивните блогови или на нивните профили. Околу 73 проценти од тинејџерите користат социјални мрежи.
Потенцијални ризици
- Социјалните сајтови бараат од корисникот да креира профил со информации за неговата возраст, пол, хоби и др. И додека овие профили им овозможуваат на децата да се поврзат, индивидуи кои сакаат да ги злоупотребуваат децата може исто така да го користат својот профил за да ги намамат своите жртви.
- Децата често се натпреваруваат за тоа кој ќе има повеќе контакти па ќе додаваат луѓе во контактите иако не ги познаваат во реалниот живот.
Децата не можат да го вратат она што го рекле на онлајн и сликите кои ги поставиле. Тие може да постават слики или да остават коментари кои се навредливи, провокативни или несоодветни. До овие сите јавноста има постојан пристап. Овие постови може да се снимат, да се препратат и да се разгледуваат неограничен број пати. Разговарајте со вашите деца за тоа.
Совети за минимизирање на потенцијалните ризици
- Покажете им на децата како да ги искористат сигурносните протоколи на социјалните мрежи со кои се забранува пристап до профилот на луѓе кои не им се контакти;
- Кажете им на децата да ги прифаќаат како контакти само оние кои ги познаваат и во реалниот живот;
- Поттикнете ги децата да избираат соодветни прекари за своите профили. Разговарајте со вашите деца да креираат силни лозинки – на пример акроними.
- Посетете ги социјалните веб сајтови заедно со вашето дете и разговарајте со нив за потенцијалните ризици;
- Прашувајте ги вашите деца за тоа со кого комуницираат онлајн;
- Поставете правило дека не смеат да дадат лични податоци ниту да се сретнат со некого кој го запознале онлајн без ваша дозвола и знаење. Ако веќе и вие размислувате за средба најпрво разговарајте со родителите на тоа дете. И придружувајте го вашето дете на средбата;
- Поттикнувајте го вашето дете да размислува „Дали оваа порака е штетна, вознемирувачка, навредлива? “ пред да постираат било што. Научете ги вашите деца да не одговараат на првокативни, навредливи пораки кои ги плашат, ги вознеморуваат и да ви ги покажат овие пораки на вас.
Сурфање на интернет: Совети за родители
Сурфање по интернет
Придобивки
Сурфањето по интернет е како на своите дланки да ја имаш најголемата библиотека или најголемиот систем за забава. Децата можат да читаат приказни, да разгледуваат музеи, да посетат други земји, играат игри, разгледуваат фотографии.
Можни ризици
- Децата може да налетаат на сајтови со слики и содржини со сексуални, расистички, насилни и неточни информации;
- Децата може да имаат потешкотии во одредувањето на кредибилитетот и релевантноста на информациите пронајдени на интернет. Некои наивно сметаат дека ако нешто е поставено на интернет значи е точно.
Совети за минимизирање на потенцијалните ризици
- Користете интернет пребарувач со сигурносни механизми. Има веб пребарувачи дизајнирани посебно за деца, или системи кои овозможуваат филтрирање на содржините на интернет соодветно на возраста;
- Научете ги децата кога ќе видат содржина на интернет која ги вознемирува или плаши веднаш да кажат на некој возрасен на кој му веруваат. Тоа е возрасен на кој вашето дете му верува и со кој вие и вашите деца се чувствувате сигурно.
- Помогнете му на вашето дете да пронајде информации на интернет. Пребарувајќи заедно вие ќе му помогнете на детето да пронајде релевантни информации на интернет и да ги разграничи фактите од фикцијата;
Недела на информатиката 