Tag Archives: недела на информатиката

Недела на информатиката 2013 – Агенда

Оваа година Неделата на информатиката се реализира на тема: Правата и обврските на интернет и под мотото: Поврзи се со почит.
Во рамките на неделата ќе се одбележи и Европскиот ден на побезбеден интернет.
04.02.2013 понеделник
Ученици од 7 одделение  на одделенски час во сите одделенија ја вршат кратка презентација на Неделата на информатиката и Денот за побезбеден интернет како и активностите кои ќе се преземаат
Разделување на брошури.
Пополнување на анкетата за ученици
05.02.2013 вторник
Одбележување на Европскиот ден за побезбеден интернет
Работилници со учениците од 5 одделение (идните ученици кои ќе изучуваат информатика) Работилницата ќе ја реализираат ученици од 7 или 8 одделение (кои изучуваат изборен предмет)
Прогласување на победниците од Конкурсот за најдобар постер изработен на компјутер во секое училиште.
Изложба со сите пристигнати постери во холовите на училиштата.
Пополнување на анкетата за ученици која е поставена на блогот со оние одделенија со кои имаме часови
Учениците од 6 одделение поставуваат предлог правила за е-бонтон на веб сајтот https://ebonton.mk
06.02.2013 среда
Работилница со родителите и наставниците – може со претставниците од Советот на родители. На работилницата присуствуваат и ученици кои изучуваат изборен предмет кои реализираат дел од активностите.
Пополнување на анкетата за ученици која е поставена на блогот со оние одделенија со кои имаме часови
07.02.2013 четврток
Квиз натпревари за учениците од 6 одделение
Пополнување на анкетата за ученици која е поставена на блогот со оние одделенија со кои имаме часови
08.02.2013 петок
Квиз натпревари за учениците од 7 одделение
Завршување на активностите и прогласување на победниците од квизовите. Доделување на награди, дипломи и благодарници.

 

Социјално вмрежување: Совети за родители

Социјално вмрежување

 

Придобивки

Социјалните сајтови им овозможуваат на децата да се поврзат со нивните врсници и други корисници. Тоа го прават преку разменување на пораки и електронска пошта, оставање на коментари, постови, фотографии, видеа, музика на нивните блогови или на нивните профили. Околу 73 проценти од тинејџерите користат социјални мрежи.

 

Потенцијални ризици

  • Социјалните сајтови бараат од корисникот да креира профил со информации за неговата возраст, пол, хоби и др. И додека овие профили им овозможуваат на децата да се поврзат, индивидуи  кои сакаат да ги злоупотребуваат децата може исто така да го користат својот профил за да ги намамат своите жртви.
  • Децата често се натпреваруваат за тоа кој ќе има повеќе контакти па ќе додаваат луѓе во контактите иако не ги познаваат во реалниот живот.

 

Децата не можат да го вратат она што го рекле на онлајн и сликите кои ги поставиле. Тие може да постават слики или да остават коментари кои се навредливи, провокативни или несоодветни. До овие сите јавноста има постојан пристап. Овие постови може да се снимат, да се препратат и да се разгледуваат неограничен број пати. Разговарајте со вашите деца за тоа.

 

Совети за минимизирање на потенцијалните ризици

  • Покажете им на децата како да ги искористат сигурносните протоколи на социјалните мрежи со кои се забранува пристап до профилот на луѓе кои не им се контакти;
  • Кажете им на децата да ги прифаќаат како контакти само оние кои ги познаваат и во реалниот живот;
  • Поттикнете ги децата да избираат соодветни прекари за своите профили. Разговарајте со вашите деца да креираат силни лозинки  –  на пример акроними.
  • Посетете ги социјалните веб сајтови заедно со вашето дете и разговарајте со нив за потенцијалните ризици;
  • Прашувајте ги вашите деца за тоа со кого комуницираат онлајн;
  • Поставете правило дека не смеат да дадат лични податоци ниту да се сретнат со некого кој го запознале онлајн без ваша дозвола и знаење. Ако веќе и вие размислувате за средба најпрво разговарајте со родителите на тоа дете.  И придружувајте го вашето дете на средбата;
  • Поттикнувајте го вашето дете да размислува „Дали оваа порака е штетна, вознемирувачка, навредлива? “ пред да постираат било што. Научете ги вашите деца да не одговараат на првокативни, навредливи пораки кои ги плашат, ги вознеморуваат и да ви ги покажат овие пораки на вас.

Сурфање на интернет: Совети за родители

Сурфање по интернет

 Придобивки

Сурфањето по интернет е како на своите дланки да ја имаш најголемата библиотека или најголемиот систем за забава. Децата можат да читаат приказни, да разгледуваат музеи, да посетат други земји, играат игри, разгледуваат фотографии.

Можни ризици

  • Децата може да налетаат на сајтови со слики и содржини со сексуални, расистички, насилни и неточни информации;
  • Децата може да имаат потешкотии  во одредувањето на кредибилитетот и релевантноста на информациите пронајдени на интернет. Некои наивно сметаат дека ако нешто е поставено на интернет значи е точно.

 Совети за минимизирање на потенцијалните ризици

  • Користете интернет пребарувач со сигурносни механизми. Има веб пребарувачи дизајнирани посебно за деца, или системи кои овозможуваат филтрирање на содржините на интернет соодветно на возраста;
  • Научете ги децата кога ќе видат содржина на интернет која ги вознемирува или плаши веднаш да кажат на некој возрасен на кој му веруваат. Тоа е возрасен на кој вашето дете му верува и со кој вие и вашите деца се чувствувате сигурно.
  • Помогнете му на вашето дете да пронајде информации на интернет. Пребарувајќи заедно  вие ќе му помогнете на детето да пронајде релевантни информации на интернет и да ги разграничи фактите од фикцијата;

Безбедноста на интернет

Темата на неделата оваа година е „Безбедноста на интернет“. Во рамките на неделата ќе се одбележи и Светскиот ден за безбеден интернет кој оваа година по 10-ти пат се одбележува во светот под мотото „Поврзи се со почит“.  За таа цел овде го претставуваме видеото за оваа година.